“Omax Sənaye Qrupu” şirkəti Growtech sərgisində iştirak edib

Growtech beynəlxalq sektorda hər il noyabrın 27-30 tarixləri arasında Antalyada keçirilən dünyanın ən böyük kənd təsərrüfatı sərgisidir.

Sərgi iştirakçıları suvarma sistemləri, istixanalar və heyvandarlıq sahəsi üçün avadanlıqlar, kənd təsərrüfatı texnikası, baytarlıq preparatları və s. ibarət ekspozisiya təqdim etmişlər.

32 ölkədən 202-si beynəlxalq toplam 606 şirkət nümayəndələrini bir araya gətirən sərgidə “Omax Sənaye Qrupu” təmsil olunmuşdur. Şirkətin stendində istixana nümunəsi quraşdırılmışdır. Həmçinin istixananın quraşdırılması üçün istifadə olunan bütün metal konstruksiya məhsulları yer almışdır.